Модна разгледница

Скопје во лето обично е полно со туристи кои ги разгледуваат неговите убавини.Денес и јас бев турист во својот роден град.Ни топлото време не ми сметаше да прошетам и да откријам некои нови, но и стари места кои имаат своја приказна.Старата чаршија  е едно посебно и прекрасно место, со свој специфичен изглед и дух, место кое крие многу приказни и секогаш со радост го посетувам.Денес за првпат го посетив Капан ан, место со интересна историја.Додека пиевме кафе со другар ми Мартин, кој воедно е заслужен и за сликите, дојдоа повеќе групи на туристи и беа воодушевени од она што го видоа.Колку и да ја шетам чаршијата сепак секогаш наоѓам нови катчиња кои ме оставаат без здив.Но, како вистински странец продолжив кон нови локации, и ги посетив новиот театар и Музејот на Македонската Борба, овојпат само од надвор, а  следниот пат ќе ја разгледам и внатрешноста.Сонцето премногу ме грееше, па ми ја одзеде силата.Плисирана сукња и маичка беа мојот денешен избор, со неизбежните мои модни детали.Во продолжение и сликовит приказ на мојата денешна прошетка, се надевам дека ќе ви се допадне она што ќе го видите.